मुंबई | राष्ट्रवादी काँग्रेस पक्षात फूट पडली असून शरद पवार आणि अजित पवार असे दोन गट निर्माण झाले आहेत. पक्षात फूट पडल्याने दोन्ही गटांनी आपलाच खरा पक्ष असल्याचा दावा निवडणूक आयोगाकडे केला होता. शरद पवार गटाने केलेल्या याचिकेची दखल घेतल्यानंतर निवडणूक आयोगाने अजित पवार गटाला नोटीस पाठवली होती.

आता अशीच नोटीस अजित पवार गटाच्या याचिकेची दखल घेत शरद पवार गटाला पाठवण्यात आली आहे. येत्या तीन आठवड्यांत पक्षांसदर्भातील कागदपत्रे सादर करण्याचे निर्देश निवडणूक आयोगाने दिले आहेत. दि हिंदूने यासंदर्भातील वृत्त दिले आहे.

हेही वाचा ” …“अमित महाराष्ट्रभर…”, टोलनाका तोडफोडीच्या घटनेवर राज ठाकरेंची प्रतिक्रिया”

“शरद पवार गट आणि अजित पवार गटाकडून आलेल्या याचिकांवर निर्णय घेण्याआधी निवडणूक आयोगाला आमचे उत्तर हवे आहे. आम्ही विहित कालावधित आमचं उत्तर निवडणूक आयोगाला देऊ”, असंही या वरिष्ठ नेत्याने सांगितलं.