ज्येष्ठ वृत्तनिवेदक प्रदीप भिडे यांचं आज निधन झालं. (senior Marathi news Reader Pradip Bhide passed away) भारदस्त आवाज आणि बातम्या सांगण्याची खास शैली आणि यामुळे ते दूरदर्शनवरील बातम्यांची ओळख बनले होते. बुलंद आणि भारदस्त आवाजात दूरदर्शनवरील बातमीपत्राची सुरुवात करणारे ज्येष्ठ वृत्तनिवेदक प्रदीप भिडे यांचं आज निधन झालंय. ते ६४ वर्षांचे होते. गेल्या काही काळापासून ते आजारी होते. अखेर आज त्यांची प्राणज्योत मालवली. बातम्या सांगण्याची खास शैली आणि भारदस्त आवाज यामुळे ते दूरदर्शनवरील बातम्यांची ओळख बनले होते. प्रदीप भिडे यांच्यावर आज संध्याकाळी ६ वाजता अंधेरी पूर्व येथील पारशीवाडा स्मशानभूमीत त्यांच्यावर अंत्यसंस्कार होणार आहेत.

दूरदर्शनच्या बातम्यांचा चेहरा अशी अमीट ओळख असलेले प्रदीप भिडे आपला भारदस्त आवाज, सुस्पष्ट उच्चार आणि प्रसन्न व्यक्तिमत्वामुळे लोकप्रिय होते. आवाजाच्या क्षेत्रात गेली अनेक दशकं त्यांनी अधिराज्य गाजवलं.
भावपूर्ण श्रद्धांजली 🙏#PradeepBhide #दूरदर्शन #Doordarshan #Sahyadri #Batmya pic.twitter.com/eEvnRWmzDv

— DD Sahyadri News | सह्याद्री बातम्या (@ddsahyadrinews) June 7, 2022

२४ तास बातम्या देणाऱ्या वाहिन्यांचा जमाना येण्यापूर्वी एकेकाळी बातम्या देणारे दूरदर्शन (Doordarshan)  हे एकमेव दृकश्राव्य माध्यम असताना प्रदीप भिडे (Pradeep Bhide) यांनी वृत्तनिवेदनाच्या (Anchoring) क्षेत्रामध्ये आपली खास अशी ओळख निर्माण केली होती. १९७२ मध्ये दूरदर्शनमध्ये प्रवेश केल्यानंतर १९७४ पासून त्यांनी वृत्तनिवेदनास सुरुवात केली होती. तेव्हापासून पुढची अनेक वर्षे त्यांनी दूरदर्शनसाठी वृत्तनिवेदक म्हणून काम केले होते. त्यांनी राज्य आणि देशातील अनेक मोठ्या आणि महत्त्वाच्या घडामोडींवेळी केलेले वृत्तनिवेदन अजूनही प्रेक्षकांच्या मनात कायम आहे. प्रदीप भिडे यांनी शेकडो कार्यक्रम, सभा यांचे सूत्रसंचालन केले होते. तसेच त्यांनी हजारो जाहिरातींनाही आवाज दिला होता. प्रदीप भिडे यांचे आई-वडील रयत शिक्षण संस्थेमध्ये शिक्षक होते. त्यामुळे त्यांचे शिक्षण हे ग्रामीण भागात झाले. त्यानंतर ते महाविद्यालयीन शिक्षणासाठी पुण्यात आले. तिथे विज्ञान शाखेची पदवी घेतल्यानंतर (ranade institute) रानडेमधून त्यांनी पत्रकारितेचा अभ्यासक्रम पूर्ण केला होता.