महाराष्ट्रातील नागपूरमध्ये एका मुलीने तिच्या प्रियकराशी लग्न करण्यास नकार दिल्याची धक्कादायक घटना घडली आहे. प्रेयसीने दिलेला लग्नाचा प्रस्ताव फेटाळताच प्रियकराने संतप्त होऊन प्रेयसीच्या वडिलांचे दुकान आणि मिनी ट्रक पेटवून दिला. पोलिसांनी आरोपीला अटक केली आहे.

मंगळवारी पोलिसांनी सांगितले की, या व्यक्तीने नागपूर जिल्ह्यातील वाघोडा गावात आपल्या मैत्रिणीच्या वडिलांचे मिनी ट्रक आणि भाजीपाला दुकान पेटवून दिले. त्याचे त्याच्या मैत्रिणीसोबत विवाहबाह्य संबंध होते. त्या व्यक्तीला अटक करण्यात आली आहे. पोलिसांनी सांगितले की, गुन्हेगार आणि महिलेचे गेल्या सात महिन्यांपासून संबंध होते. पोलिसांनी दिलेल्या माहितीनुसार, जेव्हा त्याच्या पत्नीला पतीच्या अवैध संबंधांची माहिती मिळाली तेव्हा तिने त्याला सोडले, त्यानंतर पतीने लग्नासाठी प्रेयसीकडे संपर्क साधला. त्या व्यक्तीने प्रेयसीला लग्न करण्यास सांगितले असता तिनेही लग्नास नकार दिला. त्यानंतर रागाच्या भरात त्या व्यक्तीने वडिलांचे दुकान आणि मिनी ट्रक पेटवून दिला. पोलिसांनी सांगितले की, भारतीय दंड संहितेच्या (आयपीसी) संबंधित कलमांतर्गत गुन्हा दाखल करण्यात आला असून दोषीला अटक करण्यात आली आहे.