दिल्ली पोलिसांच्या आर्थिक गुन्हे शाखेने (EOW) सोमवारी बॉलीवूड अभिनेत्री जॅकलिन फर्नांडिसला सुकेश चंद्रशेखरच्या( Sukesh Chandrashekhar) 200 कोटी रुपयांच्या मनी लॉन्ड्रिंग प्रकरणाचा तपासात सामील होण्यासाठी नवीन समन्स जारी केले आहे.तिला बुधवारी हजर राहण्यास सांगण्यात आले आहे. यापूर्वी तिला सोमवारी हजर राहण्यास सांगण्यात आले होते, परंतु काही कारणांमुळे ते पुढे ढकलण्यात आले. यापूर्वी, जॅकलिन फर्नांडिसने(Jacqueline Fernandez) दिल्ली पोलिसांना एक ईमेल लिहिला होता, ज्यामध्ये तिने चौकशी पुढे ढकलण्याची विनंती केली होती. तिची विनंती पोलिसांनी मान्य केली असून आता या अभिनेत्रीला 14 तारखेला पुन्हा समन्स बजावण्यात आले आहे.(Jacqueline Fernandez money laundering case)

आता अधिकाऱ्यांनी तिला नव्याने समन्स बजावले आहे. सप्टेंबरच्या पहिल्या आठवड्यात, EOW ने या प्रकरणात आणखी एक बॉलिवूड अभिनेत्री नोरा फतेहीची(Nora fatehi) साक्ष नोंदवली होती.फोर्टिस हेल्थकेअरचे माजी प्रवर्तक शिविंदर मोहन सिंग यांची पत्नी अदिती सिंग यांच्यासह काही हाय-प्रोफाइल लोकांची फसवणूक आणि खंडणी केल्याप्रकरणी चंद्रशेखरला अटक करण्यात आली होती. चंद्रशेखरशी संबंध असल्याबद्दल अंमलबजावणी संचालनालयाने बॉलिवूडमधील अनेक कलाकार आणि मॉडेल्सची चौकशी केली आहे.
गेल्या वर्षी एप्रिलमध्ये, चंद्रशेखरला 2017 च्या निवडणूक आयोगाच्या लाचखोरी प्रकरणाशी संबंधित आणखी एका मनी लाँड्रिंग प्रकरणात अटक करण्यात आली होती, ज्यात AIADMK च्या माजी नेत्याचा समावेश होता.