गँगस्टर लॉरेन्स विश्नोईने सलमान खानला जीवे मारण्याची धमकी दिली होती. त्यानंतर सलमान खानची सुरक्षा कडक करण्यात आली आहे. तुम्हाला काहीवेळा हा प्रश्न नक्कीच पडला असेल की सलमान खानची सुरक्षा नेमकी कोणाच्या हातात आहे. आणि त्यासाठी त्याला किती पगार दिला जातो. सलमान खानच्या सुरक्षेची जबाबदारी त्याचा अंगरक्षक शेरा यांच्यावर आहे. जो सलमानसोबत नेहमी अगदी सावलीसारखा असतो. एकदा एका मुलाखतीत शेराने असे म्हटल होत की तो सलमान खानच्या पुढे किंवा मागे चालत नाही तर पुढे जातो जेणेकरून तो त्याच्यावर येणारा धोका झेलू शकेल. शेरा हा सलमान खानला मालक म्हणतो. शेरा एकदा एका मुलाखतीत बोलला होता की, ‘मालिक बोलेतो मेरे गुरु’ सलमान भाईजान माझ्यासाठी सर्वस्व आहे कारण मी त्याच्यासाठी माझा जीव देखील देऊ शकतो.

तुम्हाला नक्कीच प्रश्न पडला असेल की, सलमान खानची सुरक्षा सांभाळणाऱ्या शेराला त्याच्या कामाच्या बदल्यात किती पगार असेल ? तर मीडिया रिपोर्ट्सनुसार शेराला वर्षाला 2 कोटी रुपये मिळतात अशी माहिती समोर आली आहे. त्याचबरोबर शेरा मुंबईत स्वतःची सुरक्षा एजन्सीही चालवतो.