मराठी भाषेला अभिजात (Marathi Language) भाषेचा दर्जा देण्याच्या प्रस्तावास लवकरात लवकर मंजूरी द्यावी याकरिता पंतप्रधान नरेंद्र मोदी यांच्याकडे मुख्यमंत्री एकनाथ शिंदे यांनी पत्राद्वारे आग्रही मागणी केली. (CM Eknath Shinde writes to PM Narendra Modi) मराठी भाषेला अभिजात भाषेचा दर्जा देण्याबाबत महाराष्ट्र शासनाने स्थापन केलेल्या तज्ज्ञ समितीच्या अहवालानुसार राज्य शासनाने दि. १६ नोव्हेंबर २०१३ रोजी केंद्र शासनाला सविस्तर प्रस्ताव सादर केला आहे. मराठी भाषेला अभिजात दर्जा मिळावा म्हणून आवश्यक त्या निकषांची पूर्तता करीत असल्याचा निष्कर्ष या तज्ज्ञ समितीने काढला असून त्याबाबत सातत्याने पाठपुरावा करण्यात येत असल्याचे या पत्रात नमूद केले आहे.