गेल्या मागील कित्येक दिवसांपासून CBSEचे विद्यार्थी ज्या क्षणाची वाट बघत होते तो क्षण अखेर आला आहे. केंद्रीय माध्यमिक शिक्षण मंडळ, CBSE ने इयत्ता 12वी साठी CBSE निकाल 2022 (CBSE 12th Result 2022) जाहीर केला आहे. CBSE 12वी चा निकाल 2022 आता results.cbse.nic.in, cbse.gov.in वर ऑनलाइन तपासता बघता येणार.यासोबतच विद्यार्थ्यांना डिजिलॉकरवरही त्यांचा निकाल पाहता येणार आहे. CBSE बारावीचे निकाल सध्या परिक्षा वेबसाईट वर अपलोड केले आहेत. यंदा उत्तीर्ण होण्याचे प्रमाण 92.71 टक्के आहे. तर गेल्या वर्षी 99.37 टक्के विद्यार्थी उत्तीर्ण झाले होते.
CBSE बोर्डाकडून टर्म 1 च्या परीक्षेच्या निकालानंतर, यावेळी निकाल एकत्रित केला जाणार आहे, म्हणजे टर्म 1 आणि टर्म 2 च्या दोन्ही परीक्षांचे निकाल त्यात समाविष्ट केले जातील. CBSE बोर्ड टर्म 2 चा निकाल तपासण्यासाठी, विद्यार्थी अंतिम निकालातून टर्म 1 परीक्षेचा निकाल वजा करू शकतात.विद्यार्थ्यांनी आताच तयार आपले प्रवेशपत्र काढून आपल्याकडे ठेवावे. कारण निकाल तपासण्यासाठी विद्यार्थ्यांना प्रवेशपत्रावर रोल नंबर आणि जन्मतारीख तपशील आवश्यक असतील.
विशेष म्हणजे सीबीएसई बोर्ड गुणवत्ता यादी जाहीर करणार नाही. सर्वाधिक गुण मिळविणाऱ्या विद्यार्थ्यांना केवळ 0.1 टक्के गुणवत्ता प्रमाणपत्रे दिली जातील. टर्म वन परीक्षेचे 30 टक्के वेटेज आणि टर्म टू परीक्षेचे 70 टक्के वेटेज जोडून अंतिम निकाल जाहीर करण्यात आला आहे. तर प्रॅक्टिकलच्या संख्येचे मूल्य दोन्ही पदांमध्ये समान घेतले होते. तसेच १० वी चा निकाल येत्या एक, दोन दिवसात लागण्याची शक्यता आहे (10th Result Will Be Declared Soon).
