मनसे अध्यक्ष राज ठाकरे यांनी आज आरोग्य विषयक महत्वपूर्ण मुद्यांवर चर्चा करण्यासाठी मुख्यमंत्री एकनाथ शिंदे यांची भेट घेतली. (MNS Chief Raj Thackeray met CM Eknath Shinde) याप्रसंगी राज्याची आरोग्य व्यवस्था अधिक बळकट व्हावी यासाठी राज ठाकरे यांनी तळमळीने काही सूचना केल्याचे मुख्यमंत्र्यांनी सांगितले. तसेच त्यांनी सुचवलेल्या एका उपायाचा लाईव्ह डेमो देखील या बैठकीत दाखवण्यात आला. त्यांनी सुचवलेल्या या पर्यायांचा आरोग्य व्यवस्थेत नक्की समावेश करण्याबद्दल सरकार सकारात्मक निर्णय घेईल असे यावेळी त्यांना मुख्यमंत्र्यांनी आश्वस्त केले.