यापूर्वी काँग्रेस अध्यक्षपदाच्या शर्यतीत असल्याचे दिग्विजय सिंह आणि शशी थरूर यांनी जाहीर केले आहे. मात्र, त्यांना गांधी कुटुंबाचे समर्थन लाभण्याची शक्यता नसल्यामुळे मुकुल वासनिक, मल्लिकार्जुन खरगे, के. सी. वेणुगोपाल, अंबिका सोनी, मीराकुमार, सुशीलकुमार शिंदे यांची नावे अर्ज भरण्याच्या शेवटच्या दिवशी चर्चेत आली आहेत. (Mukul Wasnik, K C Venugopal) त्यामुळे गांधी कुटुंबाकडून खरगे किंवा अन्य कोणत्याही निष्ठावंताचे नाव समोर आल्यास दिग्विजय सिंह मैदानातून माघार घेणार का? अशा चर्चा सुरू झाल्या आहेत. मात्र, गांधी कुटुंबाच्या उमेदवाराविरुद्ध दिग्विजय सिंह यांनी माघार न घेतल्यास गांधी कुटुंबाचे सारेच डावपेच अंगलट येतील, अशी भीतीही व्यक्त करण्यात येत आहे.