मुंबई :
राज्यात राज्यसभा निवडणुकीवरून जोरदार हालचाली होत आहेत. राज्यसभेच्या निवडणुकीसोबतच विधान परिषदेच्या निवडणुकीसाठीही आता राजकीय पक्ष उमेदवारी जाहीर करत आहेत. भाजप आणि काँग्रेसने विधान परिषद उमेदवार घोषित केल्यानंतर राष्ट्रवादीकडून (NCP) उमेदवारांची नावे जाहीर करण्यात आली आहे.

राज्यात येत्या 20 जून रोजी विधान परिषदेची निवडणूक होत आहे. राष्ट्रवादी काँग्रेसकडून विधानपरिषदेच्या उमेदवारांची यादी जाहीर करण्यात आली आहे. या यादीत एकनाथ खडसे (Eknath Khadse) आणि रामराजे निंबाळकर (Ramraje Naik Nimbalkar) यांना सुद्धा उमेदवारी जाहीर करण्यात आली आहे. (Legislative Council Election candidate Latest News)

राष्ट्रवादी काँग्रेस पक्षातर्फे येत्या विधानपरिषद निवडणुकीसाठी श्री. रामराजे नाईक निंबाळकर आणि श्री. एकनाथराव खडसे हे उमेदवार असतील. दोन्ही उमेदवार विजयी होऊन महाराष्ट्रातील जनतेच्या सेवेसाठी कार्यरत राहतील, असा आम्हाला विश्वास आहे. @NCPspeaks

— Jayant Patil- जयंत पाटील (@Jayant_R_Patil) June 9, 2022

येत्या 20 जून रोजी विधान परिषदेची निवडणूक होत आहे. यासाठी आज अर्ज भरण्याचा शेवटचा दिवस आहे. त्यामुळे राष्ट्रवादीने उमेदवारांची यादी जाहीर केली आहे, एकनाथ खडसे आणि रामराजे निंबाळकर यांना राष्ट्रवादीने संधी मिळाली आहे. आज एकनाथ खडसे आणि रामराजे निंबाळकर अर्ज भरतील.

रामराजे निंबाळकर राष्ट्रवादी काँग्रेसचे ज्येष्ठ नेते आहेत. शरद पवार यांचे विश्वासू सहकारी म्हणूनही ते ओळखले जातात. सध्या ते विधान परिषदेचे सभापती आहेत. पश्चिम महाराष्ट्रात प्रबळ असलेल्या राष्ट्रवादी काँग्रेसला खानदेशातून एकनाथ खडसेंसारखा मजबूत नेता मिळाला आहे. त्यामुळे खानदेशातही आता राष्ट्रवादीला पक्ष विस्तार करण्यास संधी आहे.